پر اسراییلو د ایران له پراخو ځوابي بریدونو وروسته، په اسراییلو کې د امریکا سفیر «مایک هاکبي» ویلي چې هلته خورا سخته شپه پرې تېره شوې ده.
مایک هاکبي په اېکسپاڼه لیکلي چې تېره شپه په اسراییلو کې هر چاته امر شوی و چې په خپلو پټنځایونو کې پاتې شي.
د امریکا سفیر د ایران توغندیزو بریدونو ته په اشارې ویلي: “زه مجبور شوم چې پنځه ځله پټنځای ته لاړ شم.”
ایران تېره شپه پر اسراییلو لسګونه توغندیز بریدونه وکړل چې د ایراني رسنیو د راپورونو له مخې ځینې توغندي د اسراییل پلازمېنې پر ځینو مهمو ودانیو لګېدلي دي.
د ایران اسلامي جمهوریت پرون د اسراییلو بریدونه ستره تېروتنه بللې وه او د پراخو ځوابي بریدونو خبرداری یې ورکړی و.
د ایراني رسنیو د راپورونو له مخې چې تر دې دمه په اسراییلو کې د دریو کسانو وژنه او لسګونه نورو ټپيکېدل تایید شوي دي.
دا بریدونه وروسته له هغې وشول چې وړم سهار اسراییلو پر ایران بریدونه وکړل او د یو شمېر هېوادونو غبرګونونه یې راوپارول.
د ویلو ده چې پر ایران د اسراییلو د بریدونو له امله د یو شمېر لوړرتبه چارواکو په ګډون ځینې اټومي ساینسپوهان هم ووژل شول.
