د ایران بهرنیو چارو وزیر سید عباس عراقچي ویلي، د ایران په سولهییزو اټومي تاسیساتو د امریکا برید وحشتناکه دی او ناوړه پایلې به ولري.
هغه وویل، امریکا چې د ملګرو ملتونو د امنیت شورا دایمي غړې ده، د ایران پر سولهییزو اټومي تاسیساتو برید سره یې، د ملګرو ملتونو له منشور، نړیوال قانون او د اټومي وسلو د مخنیوي تړون څخه سرغړونه کړې.
عراقچي نن (یکشنبه، سرطان لومړۍ) پر اېکسپاڼه لیکلي چې: «د نن سهار پیښې ډېرې وحشتناکې دي او ناوړه پایلې به ولري. د ملګرو ملتونو هر غړی باید د دې خورا خطرناک، غیرقانوني او جرمي چلند په اړه اندېښمن وي.»د هغه په وینا، د ملګرو ملتونو د منشور او د هغه له احکامو سره سم چې د ځان د دفاع لپاره مشروع ځواب ته اجازه ورکوي، ایران د خپل حاکمیت، ګټو او خلکو د دفاع لپاره ټول انتخابونه خوندي کوي.
د امریکا ولسمشر ډونالډ ټرمپ نن سهار وویل چې د ایران په دریو اټومي تاسیساتو یې بریالي بریدونه کړي دي.
