د لوګر د کرکټ امریت مسوولین وايي چې د دغه ولایت په کچه د ۱۶ لوبډلو ترمنځ د کرکټ انټرکلب سیالۍ پیل شوې چې شاوخوا ۴۵ ورځې به دوام وکړي.
د لوګر د کرکټ ادارې مشر حشمتالله ستانکزي مهال راډیو ته وویل چې دا د «انټرکلب» رسمي سیالۍ دي چې د افغانستان د کرکټ بورډ له لوري تنظیم شوې او پهکې د پلعلم ښار او ټولو ولسوالیو ۱۶ لوبډلو ګډون کړی دی.
هغه زیاته کړه چې دغه لوبې پنځوساوریزې دي او یوه نیمه میاشت به دوام وکړي.
د نوموړي په خبره: «خوښ یم چې په لوګر کې د کرکټ انټرکلب رسمي سیالۍ پيل شوې چې موخه یې د ولایت په کچه دويمه درجه لوبډلې لپاره د لوبغاړو غواروی، د کرکټ لوبغاړو ترمنځ همغږي او د هغوی ظرفیت لوړول دي.»
د یادو سیالیو یوه لوبغاړي ويساحمد مهال راډیو ته وویل، خوښ دی چې د روان کال په انټرکلب سیالیو کې لوبېږي.
نوموړي کرکټ بورډ ادارې ته وړاندیز وکړ چې دوی ته د رسمي لوبو ترسره کولو لپاره ټولې اسانتیاوې برابرې کړي.
هېره دې نه وي چې تېره میاشت هم په لوګر ولایت کې د ۳۸ غوره لوبډلو ترمنځ د کرکټ سیالۍ جوړې شوې وي.
