د راپورونو له مخې، د غزې تړانګې په بېلابېلو سیمو کې د اسرائیل د تازه بریدونو له امله ۷۴ فلسطینیانو ژوند له لاسه ورکړی دی.
د الجزیرې د راپور له مخې، د وژل شوو له ډلې ۳۶ هغه کسان دي چې د مرستو ترلاسه کولو په موخه راټول شوي وو.
راپور کې راغلي چې پاتې نورو کسانو د غزې په بېلابېلو سیمو کې ژوند له لاسه ورکړی دی.
سرچينې زیاته کړې، دغه بريدونه په داسې حال کې دي چې ملګرو ملتونو خبرداری ورکړی چې هره ورځ ۲۸ ماشومان د اسرائیلو په هوايي بريدونو او د مرستو نشتوالي له امله ژوند له لاسه ورکوي.
له دې مخکې ملګرو ملتونو ویلي وو چې د ۲۰۲۵ کال له مې میاشتې راهیسې له ۱۰۰۰ زیات کسان د مرستو ترلاسه کولو پر مهال د اسرائیلو په بريدونو کې وژل شوي دي.
الجریزه لیکي چې په غزه کې د اسرائیلو د بریدونو له پیله راهیسې نږدې ۶۱ زره فلسطینیانو ژوند له لاسه ورکړی او څه باندې ۱۵۰ زره نور ټپیان شوي دي.
