لوګر ولایت سیمه ییز چارواکي وایي چې د اوبو او انرژۍ وزارت له لوري په خوښۍ او ازرې ولسوالیو کې د اوبو له بندونو څخه د برېښنا تولید په موخه سروې ترسره شوه.
لوګر ولایت مقام کې په دې اړه جوړې شوې یوې غونډې ته د اوبو او انرژې وزارت د سؤیل ختیځ زون د برېښنا تنظیم برخې انجنیرانو د یوه پرېزېنټېشن له لاري په ازرې او خوښۍ ولسوالیو کې د هغه بندونو په اړه مالومات وړاندې کړل چې د اوبو او انرژې وزارت په لارښونه سروې ترسره شوې ده.
دوي وویل، لوګر ولایت ازره او خوښۍ ولسوالۍ د اوبو کافي منابع لري او کولای شي چې زرګونه کورنیو ته په کم لګښت برېښنا برابره شئ.
بلخوا د لوګر ولایت مرستیال والي مولوي محمد انور دین پرور وویل، ازره او خوښۍ ولسوالیو اوسیدونکو ته په تېرو حکومتونو کوې د پام وړ کار ندی شوی او اوبو او انرژې وزارت ته پکار ده چې یاد ولسوالیو اوسیدونکو ته برېښنا برابره کړي.
هغه همدارنګه وویل، په ذکر شویو ولسوالیو د برېښنا تولید لپاره دومره زیاتې منابع شتون لري چې د یادو ولسوالیو سربېره له برېښنا یو شمیرو ولسوالیو ته هم غځول کیږي.
دین پرور اوبو او انرژۍزوارت تخنیکي ټېم ته ډاډ ورکړ چې په ازرې او خوښۍ ولسوالیو کې د برېښنا د تولید پروژو په عملي کېدو به هره اړخیزه همکاري وکړي.
