پر غزې د اسراییلو تازه بریدونو کې په یوه ورځ کې لږ تر لږه ۱۰۰ کسان وژل شوي او ۸ نور بیا د لوږې له امله مړه شوي.
الجزیرې خبري شبکې نن (پنجشنبه، اسد ۲۳) راپور ورکړی چې د چهارشنبې په ورځ بریدونو کې ګڼ شمېر نور فلسطینیان ټپیان شوي هم دي.
اخوا د غزې د روغتیا وزارت ویلي چې لږ تر لږه ۸ نور کسان چې درې ماشومان هم په کې دي، د لوږې له امله مړه شوي .
په دې سره غزه کې د لوږې له امله د مړو شمېر ۲۳۵ ته ورسېد چې ۱۰۶ ماشومان هم پکې شامل دي.
د غزې پر وړاندې د اسراییل جګړه کې لږترلږه ۶۱،۷۲۲ کسان وژل شوي او ۱۵۴،۵۲۵ ټپیان شوي دي.
د اټکل له مخې د ۲۰۲۳ کال د اکتوبر د ۷ نیټې په بریدونو کې په اسراییلو کې ۱۱۳۹ کسان وژل شوي او له ۲۰۰ څخه ډیر بندیان شوي دي.
