د لوګر مخابراتو او معلوماتي ټکنالوژۍ ریاست مسوولان وایي چې د دغه ولایت مرکز پلعلم په بابوس او برهکي برک ولسوالي په پنده سیمه کې دوه مخابراتي سايټونه پرانېستل شول.
د دغه ولایت د مخابراتو او معلوماتي ټکنالوژۍ ریاست رییس مولوي مطیعالله عابد وايي، په مرکز پلعلم کې د اټوما مخابراتي او انټرنټې شرکت او په برهکيبرک ولسوالي کې د روشن مخابراتي او انټرنټي شرکت له لوري د شاوخوا دوه سوه زره امریکايي ډالرو په مالي لګښت پرانېستل شوي دي.
نوموړي زیاته کړه، د یادو سایټونو له پرانېستې سره زرګونه کورنۍ له مخابراتي او انټرنټي خدماتو برخمن شول.
بلخوا د لوګر اوسېدونکي هم خوښ دي چې د دغه ولایت په مرکز پلعلم او برهکيبرک ولسوالي کې د مخابراتو نوي سایټونه پرانېستل شوي، خو دوي ټینګار کوي چې لوګر په لرو پرتو ولسوالیو ازرې او خروار کې هم ورته مخابراتي فعالیتونه پراخه کړي.
