د امریکا ولسمشر ډونالډ ټرمپ پر ټولنیزه رسنۍ سوشیل ټروټ لیکلي چې د ایران پر دریو اټومي مرکزونو فردو، نطنز او اصفهان یې بریدونه کړي.
نوموړي نن (یکشنبه، سرطان لومړۍ) ویلي، پر فردو تاسیساتو د بمونو باران وشو او دا مهال ټولې الوتکې په خوندي ډول د ایران له فضایي حریم وتلي.
دا داسې مهال چې تر دې وړاندې ایراني چارواکو خبرداری ورکړی وو چې که امریکا د اسراییل ایران جګړه کې برخه واخلي، دا به د متحده ایالتونو لپاره ډېرې بدې پایلې ولري.
تر دې وړاندې د یمن د وسلهوالو ځواکونو ویاند یحیی سریع هم ویلي وو، که امریکا پر ایران برید وکړي، په سور سمندر کې د امریکا پر ټولو کښتیو او جنګي بېړیو برید ته چمتو دي.
هغه له ایرانه په ملاتړ ټینګار کړی او ویلي: “غزې، لبنان، سوریې، ایران او بل هر اسلامي هېواد کې پر خپلو وروڼو د اسراییل یرغل په مخالفت کې د یمن پر اصولي او ثابت دريځ ټینګار کوو.”
