اسلامي امارت د محمودشاه حبیبي په نوم د یوه افغان نیولکېدل رد کړي او د امریکا هغه تورونه یې، رد کړي چې ګواکې د ا.ا استخباراتو نوموړی نادرکه کړی دی.
د اسلامي امارت ویاند ذبېحالله مجاهد نن پنجشنبه، چنګاښ دولسمه، پر خپله اېکسپاڼه په یوې خپره کړې خبرپاڼه کې ویلي چې حبیبي د سرپرست حکومت له لوري نهدی نیول شوی.
په خپره شوې خبرپاڼه کې ویل شوي: «اسلامي امارت د امریکا هغه تورونه په کلکه ردوي چې د محمودشاه حبیبي په نوم د یوه افغان د نادرکه کېدو تور یې د افغانستان د استخباراتو پر عمومي ریاست لګولي. د حبیبي د کورنۍ د عریضې په اساس په ټولو اړوندو ادارو کې پلټنه شوې، خو هېڅ داسې نښه نه ده تر سترګو شوې چې نوموړی دې د ا.ا اړوند کوم ارګان له لوري نیول شوی وي.»
په ورته مهال په خبرپاڼه کې ویل شوي چې سرپرست حکومت د منظور شویو قوانینو له مخې، د بندیانو ټولو حقونو ته ژمن دي او په وینا یې، مسوولیت لري چې د نیول شوي کسان پر ټاکلي وخت اړوند قضايي ارګانونو ته وسپاري.
د امریکا بهرنیو چارو وزارت روانه میاشت ادعا وکړه چې افغاني الاصله امریکايی محمودشاه حبیبي کابل له خپلویوشمېر همکارانو سره د اسلامي امارت د استخباراتو له لوري نیول شوی دی.
