د لوګر افغانۍ سرې میاشتنې ټولنۍ ریاست مسؤولین وایي چې ددغه ولایت په مرکز پل علم او محمدآغۍ ولسوالۍ کې د افغاني سرې میاشتې ټولنې له لوري د ترکیې هېواد په مالي ملاتړ له ۳۰۰ اړمنو کورنیو سره نغدې او غیر نغدې مرستې وشوې.
د لوګر سرې میاشتې رئیس مولوي میرهاشم حزبالله، وویل چې دې مرستو کې ټول ټال ۹ ډوله خوراکي توکي او یو قلم غیر خوراکي توکي شامل وو، چې مجموعي ارزښت یې له ۱.۲ میلیونو افغانیو څخه زیات دی.
نوموړي زیاته کړه چې د یادو مرستو له ګټو ۲۰۰ کورنۍ د مرکز اړمن اوسېدونکي دي او ۱۰۰ نورې کورنۍ د محمدآغه ولسوالۍ پورې اړه لري.
په ورته وخت کې د سوېل ختیځ زون د سرې میاشتې رئیس، مولوي سید منهاجالدین هاشمي، د یادو مرستو د هدف په اړه وویل چې د دغو مرستو موخه د اړمنو لاسنیوی او د بېوزلۍ د کچې کمول دي.
هغه همدارنګه زیاته کړه، هڅه کوي چې د افغانۍ سرې میاشتنې ټولنې او یو شمیر نړیوالو بنسټونو په همکارۍ له بې وزله کورنیو سره خپلې مرستې پراخې کړي.
