یوناما نن د فبروري ۱۳مې د راډیو نړیوالې ورځې په مناسبت وايي، راډیو د میلیونونو افغانانو لپاره په ځانګړي ډول کلیوالو او لرې پرتو سیمو کې، د مالوماتو اساسي او باوري سرچینه ګڼل کېږي.
افغانستان کې د ملګرو ملتونو سیاسي استازولۍ یوناما د دې ورځې په مناسبت ویلي، راډیو له څه باندې سلو کلونو راهیسې افغانان روزلي او یو له بل سره نښلولي.
د یوناما سرپرستې جورجت ګانیون په خپل پیغام کې زیاته کړې چې د ملګرو ملتونو په استازیتوب افغانستان کې د راډیو ټولو کارکوونکو سره خپل پیوستون څرګندوي.
